„მთავარი არხის“ დირექტორი განცხადებას ავრცელებს – რა ახალ დეტალებზე საუბრობს გიორგი ქურდაძე
„მთავარი არხის“ დირექტორი, გიორგი ქურდაძე ტელეკომპანიასთან დაკავშირებით განცხადებას ავრცელებს.
“ნიკა გვარამიამ და კობა ნაყოფიამ მიზანმიმართულად დააზარალეს “მთავარი არხი”, არხის მაყურებელი, თანამშრომლები, სახელმწიფო ბიუჯეტი და მთავარი არხის დამფუძნებელი ზაზა ოქუაშვილი, რომლის გარეშეც “მთავარი არხი” ვერ შეიქმნებოდა და არ იარსებებდა.
ყველა ზემოთ დასახელებულ პირს მოუწევს კანონის წინაშე პასუხისგება თავიანთ დანაშაულებრივ ქმედებებზე“, – აღნიშნულია ქურდაძის განცხადებაში.
შეგახსენებთ, 15 თებერვალს „მთავარმა არხმა“ გაავრცელა ინფორმაცია, რომლის მიხედვითაც, არხმა მაუწყებლობა შეწყვიტა.
აღნიშნული მედიის თანადამფუძნელებლი, ნიკა გვარამია აცხადებდა, რომ მეორე თანადამფუძნებელი, ზაზა ოქუაშვილი ხელოვნურად ქმნიდა ფინანსურ კრიზისს.
საპასუხოდ, ოქუაშვილ ამბობდა, რომ არხი ფინანსურ კრიზისში გვარამიამ ჩააყენა.
