22 იანვრის ასტროლოგიური პროგნოზი

ვერძი

ამ დღეს შეიძლება თავში სრულიად წარმოუდგენელი, ფანტასტიკური იდეა მოგივიდეთ! ერთი შეხედვით, მისი განხორციელება შეუძლებელია, მაგრამ სწორედ ამის გაკეთება გსურთ. ყველაფერი დანარჩენი თქვენთვის ზედმეტად ბანალური, უაზრო და მოსაწყენია. სირთულის მიუხედავად, ამ იდეის განხორციელება სავსებით შესაძლებელია. სხვა საკითხია, ეს რამდენ დროს, ფულს და ძალისხმევას მოითხოვს

კურო

პროფესიულ საქმიანობაში შესანიშნავ შედეგებს მიიღებთ. იმას, რაც სხვა დღეებში შეიძლება მოსაწყენი და უინტერესო გეჩვენებათ, დღეს სიამოვნებით აკეთებთ. ჩვეულებრივ საფინანსო ოპერაციებშიც კი შეიძლება რაღაც შთაგონება და შემოქმედებითი აღმაფრენა იგრძნოთ. გირჩევთ, ეს დღე იმ საქმეებისთვის გამოიყენოთ, რომლებისთვისაც ადრე მოთმინება და ენთუზიაზმი არ გეყოთ.

ტყუპები

ისეთი განცდა გაქვთ, თითქოს შეჯიბრებაში ხართ და ცდილობთ, სხვაზე უკეთესი შედეგები აჩვენოთ. ამაში ცუდი არაფერია, თუ ადამიანების დაცინვისა და ნეგატივისგან თავს შეიკავებთ. ერთადერთი, რაზედაც ამ დღეს კატეგორიული უარი უნდა თქვათ, აზარტული თამაშია. ამისგან თავი უნდა შეიკავოთ.

კირჩხიბი

საყვარელი ადამიანის ქცევა დილიდან საეჭვოდ გეჩვენებათ და ყველგან სავარაუდო ღალატის ნიშნებს ხედავთ. თუ არ გსურთ, რომ ეჭვიანობა აკვიატებად გექცეთ და ცხოვრება გაგიფუჭოთ, ეცადეთ ამისგან გათავისუფლდეთ. გახსოვდეთ, რომ ეჭვიანობის რეალური მიზეზები არ არსებობს.

ლომი

ლომის შემოქმედებითი პოტენციალი მაქსიმუმს აღწევს! ამ დღეს ურთულეს საკითხებს მარტივად გაუმკლავდებით და უკმაყოფილო კონკურენტებს უკან მოიტოვებთ. შესანიშნავია, მაგრამ არც დასვენება უნდა დაივიწყოთ, რადგან ასე შეიძლება ჯანმრთელობა დაიზიანოთ.

ქალწული

შესაძლოა, სურვილსა და მოვალეობას შორის არჩევანის გაკეთება მოგიწიოთ. ამავე დროს ცდილობთ, საკუთარი მოვალეობა უბრალოდ კარგად კი არა, სხვებზე უკეთ შეასრულოთ. ეცადეთ, ამ დღის ენერგია საკუთარი შრომისმოყვარეობისა და ენთუზიაზმის დემონსტრირებისთვის გამოიყენოთ. მთავარია, სიმშვიდე შეინარჩუნოთ და ემოციები აკონტროლოთ.