ვინ არის 6 წლის ბავშვი, რომელიც თელავში ტრაგიკულად დაიღუპა – ახალი დეტალები

ბანაკ “მზიანეთის” ტერიტორიაზე 6 წლის ბავშვი დაიხრჩო. ადგილობრივების ინფორმაციით, მცირეწლოვანი ბანაკის ტერიტორიაზე  მოწყობილ შადრევანთან, მცირე აუზში ჩავარდა.

შემთხვევა თელავის მუნიციპალიტეტის სოფელ ბუშეტში მოხდა, სადაც პედაგოგ, შალვა ამონაშვილს დასასვენებელი ბანაკის კომპლექსი აქვს მოწყობილი.

ბანაკში რუსეთის მოქალაქე, 6 წლის ბიჭი, დედასთან ერთად ჩავიდა, სადაც სხვადასხვა ქვეყნიდან მოწვეული პედაგოგების კონფერენცია მიმდინარეობდა.

დაღუპულს საკუთარ ქვეყანაში უახლოეს დღეებში გადაასვენებენ.